Eitt próf búið

Jæja nú er eitt aðalprófið búið. Kláraði utn 103 í morgun og mér fannst ég ekki ganga neitt sérstaklega vel. Ég náði ekki einu sinni að klára eitt verkefnið í prófinu. Og ég er bara ekki að jafna mig á þessu dæmi.
En nú bíður lærdómur eftir mér fyrir næsta próf á morgun. Það er lotupróf í nát 103. Það eru kaflar um vistkerfið sem mér finnst nú ekki neitt sérstaklega auðveldir. En ég hlýt að meika það.
Ég kláraði allan bakstur um helgina og nú eru til 5 tegundir af smákökum heima hjá okkur. Sem vonandi endast fram að jólum. Við erum sko smákökuátsfjölskylda hehe. Reyndar fá gestir og gangandi líka smakk hjá mér.
Og það var bara geggjað og gaman i vinnunni um helgina. Sálin er mjög skemmtileg og ekki skemmir fyrir þetta frábæra fólk sem ég vinn með. Við mættum allar í rauðum bolum í vinnuna og þrjár af okkur í eins bolum meirað segja og slógum auðvitað í gegn. Maja skvísa mætti um helgina í fyrsta skiptið eftir barnsburð og ég held að henni hafi bara fundist geggjað. Enda hvernig er annað hægt með þessu líka frábæra liði sem til staðar. Lifið heil

Prófin og stressið að byrja

Sæl öll sömul
vildi endilega segja ykkur hvað ég er klár. Mín fékk bara 10 á nát prófinu !!!!! en nú er eitt lotupróf eftir núna næsta þriðjudag og svo eru bara lokaprófin á næsta leyti. Reyndar er lokaprófið í utn næsta mánudag og það er pínu stress í gangi.
Það var skiladagur á ritgerð um dauðarósir núna í dag og stór verkefni í nát í næstu viku. Það er bara allt að gerast í einu og ég að fara yfir um.
En öllu lýkur einhvern tíman og það ætti að vera um 8. des. Þá er mitt síðasta próf. Inn í þetta flækjist afmælið hans Friðriks og vinna í Höllinni. Bara allt brjálað.
Það er einmitt Sálarball á morgun og það verður vonandi allt geggjað að gera á barnum. En mín ætlar að hafa það huggó á morgun og halda áfram með baksturinn. Bakaði kókostoppa á fimmtudaginn og fimmfalda uppskrifa af piparkökunum hennar mömmu. Þær eru svo góðar að það dugar ekkert minna en að fimmfalda hana. Á morgun á að baka 3 tegundir í viðbót. Þær eru bara tvöfaldaðar.
Nú ætla ég að bæta nokkrum viðurnefnum við og segja ykkur líka söguna á bakvið nöfnin. Það er að segja þær sögur sem ég þekki.

Einar súlunefur fékk nafnið vegna stórs nefs. Jón með fjallið einnig vegna nefsins. Sigurjón Hönkböllur fékk sitt vegna þess að báturinn sem hann var með fékk viðurnefnið hönkurinn og Sigurjón fékk sitt frá bátnum. Frekar langsótt ekki satt. Hilmar nínon eða bara Nínon fékk sitt frá konunni sinni sem heitir Nína. Gvendur fokk fékk sitt vegna þess að það var svo mikið fokk á honum í vinnunni. Ingimundur 111 fékk sitt vegna þess að hann tók í nefið og í vörina og svo lak þetta allt og myndaði töluna 111 á hökunni. Mjög smart. Hann átti son sem var kallaður Gunnar hellingur. Sitt viðurnefni fékk hann vegna þess að hann hafði það orðtak að segja "það var alveg hellingur". Einu sinn voru þeir feðgarnir að spjalla og Ingimundur sagði við Gunnar "Veiddu þið ekki alveg heilan helling" . "jú" sagði Gunnar , "alveg 111 tonn". Þeir voru ekki alveg að fíla þessi viðurnefni. Þetta er nú nóg í bili af þessu en endilega ef þið munið eftir einhverjum skemmtilegum viðurnefnum þá kommentið á það. Ég ætla líka að koma með sögur á bakvið eldri nöfnin seinna því þar voru nokkrar mjög góðar.

En vonandi er þetta nógur fróðleikur í bili fyrir ykkur. Og munið að ég á enn af nógu að taka því ég fann 182 nöfn. Lifið heil

Listinn

Ég kláraði nát prófið í morgun og gekk bara mjög vel. Ég er náttúrulega snillingur. Ég fékk hér komment um það að deila þessum lista með fleira fólki. Viðurnefnalistanum þar að segja. Og hver veit nema ég leyfi nokkrum nöfnum að fjúka. En vil taka það vel fram fyrst að þetta á ekki að vera móðgun við neinn. Það er spurning um að dæla nöfnunum inn hægt og bítandi svo fólk hafi nú eitthvað að hlakka til. Allavega koma hér nokkur nöfn:

Addi Durgur,Óli fluga, Steini sopi, Diddi dropi, þetta eru eða voru bræður, Helga sængurlausa, Gugga dúkur, Óli pjakkur, Arnar hross, Eiríkur hestur, Ásta á sjö, Gaui flækingur, Kalli eiturmilljón (helvíti), Gvendur afturmastur, Villi Túlipani, Dadda skó, Bíbí Sí, Óli sjöstopp, Jón heitinn, Gvendur fokk,Siggi ísí, Siggi austanblær.

Það eina sem síðasti maðurinn hafði til saka unnið fyrir aukanafnið austanblær var að hann var að austan. Njótið vel og lifið heil.

Vika liðin

Nú er alveg komin vika síðan ég skrifaði eitthvað síðast. Það liggur við að maður fái samviskubit. En svona er lífið þegar það er bara nóg að gera hjá manni þá eru blogg skrifin eitthvað sem liggur á hakanum. Það var alveg ágætt að gera þessa vikuna. Fékk stóran plús i kladda hjá íslensku kennaranum mínum fyrir lista yfir fólk með viðurnefni, sem ég kom með í skólan. Við áttum að koma með nokkur nöfn en ég kom með 182 nöfn. Ég byrjaði á listanum með hjálp og héldu þau bara áfram að koma. Svo fór tíminn í skólanum bara að kíkja á þessi nöfn og söguna á bak við nöfnin. Það voru nú nokkrar mjög góðar.
Laugardagurinn fór í vinnu. Mætti kl 11,30 um morguninn og var búin um 2 um nóttina. Var kominn með góðan seyðing í fæturnar. En auðvitað peninganna virði.
Svo er það auðvitað stórfrétt vikunnar hjá okkur. Hjólið er komið alla leið til okkar. Mikil gleði með það. En pínu vonbrigði voru þau að hjólið leit nú ekki jafn vel út eins á myndum. En það er ekkert sem er ekki hægt að lagfæra með smá vinnu og þrifum. Það var orðin svo mikil tilhlökkun með þetta hjól hjá yngri deildinni á heimilinu. Þannig að þegar hjólið kom loksins fóru þau eiginlega yfir um.
Nú er komið að einu prófinu í viðbót í nát. Þarf að æfa mig í dag fyrir það. Svo er kaffi hjá Maju vinkonu á eftir. Mikil tilhlökkun með það. Alltaf gott að fá kaffi hjá þessu liði. Svo á að skríða aftur ofan í bækurnar.
Börnin voru bara send heim í morgun loksins þegar skólinn byrjaði aftur. Kennarar tilkynntu veikindi í hrönnum og engin kennsla. Maður getur og er orðin frekar pirraður.
En þegar ég hugsa til kaffisins og meðlætis og þessa yndislega fólks sem ég er að fara að hitta í dag hjá Maju þá hverfur bara pirringurinn. Lifið heil

Búin

Búin búin búin........... Ég er svo feginn að ég er búin með þessa ritgerð. Þetta kom allt með kalda vatninu. Ég var reyndar fram til 2 í nótt að klára hana. Búa til forsíðu og svona fínisera. Nú er ég alveg ákveðin að gera seinni ritgerðina ekki alveg svona á síðustu stundu. Það er ritgerðu upp úr bókinni Dauða rósir eftir Arnald. Það er mikið auðveldara því sú bók er nú skemmtilegri að mínu mati.
Nú er Sigurður bróðir á leiðinni heim til Danaveldis. Er nú bara í flugvélinni á meðan ég skrifa þetta. En við sjáum þau vonandi fljótt aftur.
Búðarrápið hjá mér á laugardaginn hafði ávöxt. Ég var komin með 5 jólagjafir þegar ég loksins hélt heim. Mér finnst að þetta mætti vera oftar. Það er svo gaman í svona búðarrápi. Eina sem mig vantaði á laugardaginn var vinkona til rápa með. Það er náttúrulega það allra skemmtilegasta. En það er svona þegar það er mikið að gera hjá öllum. Lifið heil

Laugardagur til lukku

Nú er bara komin laugardagur í allri sinni rigningadýrð og ég er bara komin með hálfa síðu fyrir þessa ritgerð sem er að gera út af við mig. Það er ekki það að ég veit alveg um hvað hún á að fjalla en ég á í miklum erfiðleikum við að koma þessu á blað. Vonandi kemur andinn yfir mig í dag því ég á að skila eftir 2 daga.
Svo er bara langur laugardagur í eyjum í daga í öllum búðum. Tilboð og svona. Ég held að það sé bara skylda að fara í smá búðarráp. Það gæti verið að ég mundi jafnvel hitta á einhverja góðar jólagjafir. Alltaf að hafa augun opin. Veðrið reyndar hvetur mann ekkert til að fara út en ætli ég láti mig ekki bara hafa það.
Reyndar var planið að fara upp á Selfoss og kveðja Sigurð bróðir og hitta Maríu systir og svona en það varð ekkert úr því. Bæði liggur þessi ritgerð á mér eins og mara , svo á Íris að syngja með kórnum í kirkjunni á sunnudaginn og það var afmæli seinnipartin á föstudeginum. Allt þetta hjálpaði til við að stoppa mig af. Reyndar tilkynnti sonurinn mér það líka að það kæmi ekki til greina að fara í Herjólf því hann ældi alltaf. Ég reyndi nú að draga úr því en hann stóð nú fastur á sínu. Enginn Herjólfur. Þannig að við förum nú bara seinna.
Ég var nú mikið að pæla í því í vikunni að það væri nú ágætt ef þessi skrif mín kæmu ekki fyrir sjónir annarra. Þá gæti ég tjáð mig enn frekar. Þá væri þetta meira svona eins og dagbók fyrir mig. Þá gæti ég hellt mér yfir þennan og hinn án þess að lenda í einhverjum vandamálum. En ég leysti þetta nú bara þannig að ég fór og hellti mér yfir Önnu vinkonu. Skellti öllum mínum hugrenningum á hennar herðar og hún bar það nú bara vel. Mikið er gott að eiga svona vini.
Lifið heil

Helgin búin

Já nú er helgin búin og liðið mitt farið heim. Anita komin allaleið til Danaveldis en Sigurður bróðir fer nú ekki fyrr en næstu helgi. Það var mjög gaman að hafa þau og bralla með þeim. Það var farið rúntur um eyjuna og fyllt inní hjá þeim hverjir eru fluttir og hvað er að ske hjá hinum og þessum. Á laugardeginum var nú farið í sund og slappað af fyrir handboltaleikinn hjá stelpunum. Ekki var leikurinn neitt spennandi og fór hann 42-15. Ekki mikil spenna og ég var næstum því farin að kvetja KA stelpur því maður vorkenndi þeim pínu. Svo var auðvitað gúmmilaði matur hjá mér um kvöldi og allir sáttir. Svo fóru þau á sunnudeginum huhu grát grát.
Svo byrjaði skólinn á mánudeginum. Friðrik var nú bara spenntur að byrja aftur en dóttir mín ekki. En þetta byrjar ágætlega og nú reynir maður að koma börnunum aftur í rútínuna og sjálfum sér líka. Vonandi eyðileggst það ekki svo aftur næsta mánudag ef miðlunartillagan verður ekki samþykkt. Þetta er eiginlega að verða pínu pirrandi. En skólinn hjá mér heldur bara áfram og þetta er allt svo skemmtilegt. NEMA það að ég þarf að skrifa bókmenntaritgerð fyrir næsta mánudag úr bók sem mér finnst ekki skemmtileg og á þar af leiðandi erfitt með að lesa. Ég sem er alltaf fljót að lesa er varla að meika það í gegnum þessa bók, hvað þá að skrifa ritgerð. erfitt erfitt en þetta kemur verð bara að beita sjálfa mig hörðu í því að lesa bókin.
Fór svo í þetta geggjaða kaffi hjá Röggu skvís í gær. Alltaf fær maður gott með því hjá þessum vinkonum sínum. Indælt var það en kvöldmatarlystin flaug út um gluggan eftir heita réttin hjá Röggu. Já svo auglýsi ég eftir hjálp við það að laga þessa síðu. Mig langar að bæta fleira inní hana en kann það ekki. Þannig að ef Anita,Sigurður eða Birgir bróðir sjá þetta mega þau bjóða sig fram. Lifið heil