Jólin komin

jæja elskurnar nú er komið að síðustu metrunum í jólin og allt að verða tilbúið. Var að klára frómasinn og svo er bara að elda jólamatinn. Og eitthvað svona dútl fara með jólapakka og restina af kortunum. Bara allt skemmtilegt.
Jæja óska ykkur öllum Gleðilegra jóla og farsæls nýs árs með kærum þökkum fyrir allar skemmtilegar stundir á liðnu ári. Lifið heil

Jólafrí er æði

Mikið er nú búið að bardúsa síðan síðast. Einkunnirnar voru æði, ég fékk 9 í nát, 9 í ísl og 8 í utn. Snillingurinn ég............
Svo var ég auðvitað hrikalega dugleg hér heima og þreif alveg í hólf og gólf eða næstum því. Og svo var auðvitað skreytt í hólf og gólf. Rosalegur getur maður verið vanafastur í þeim efnum. Allt skraut verður að vera á sama stað ár eftir ár. Pælingarnar á hverju ári " hvar var þetta í fyrra". Eins og það skipti einhverju máli þannig. En alltaf pælir maður og setur hlutina svo á "sína staði".
Skelltum okkur síðustu helgi í heimsókn til mömmu. Það var voða fínt. Kíktum auðvitað á nýja húsið hjá Maríu syss og það er alveg æðislegt. Svo var síðbúið afmæli hjá Þórhalli og Hólmfríði á laugardeginum en greyið Þórhallur eins og honum var nú búið að hlakka til þá fékk hann ælupest í afmælinu. Ekki skemmtilegt. Svo var nú auðvitað kíkt í Rvk aðeins. Það var farið á nokkra staði og þar á meðal var Kringlan. Þvílík mannmergð og svo hitti ég vestmannaeyinga sem sögðu mér að þetta væri ekkert. Í fyrra var það á tímabili svoleiðis að þú hreyfðist eiginlega bara með hópnum. Ég sagði bara nei takk, þetta væri alveg nóg. Hvað þá þegar maður er með 2 krakka með.
Svo auðvitað alveg indælt að koma heim til sín. Sofa í sínu rúmi og svoleiðis. Er nú að leggja lokahöndina á það sem átti að klára fyrir jól. Reyndar voru það ekki neinar framkvæmdir þannig bara eitthvað dútl sem átti eftir að klára og það er að verða búið. Nú á bara eftir að versla, dreifa jólakortum og jólapökkum og þá mega jólin koma. Gleðileg jól og lifið heil.

Prófin búin

Jibbý ég er búin prófum. Íslensku prófið var síðasta laugardag og gekk mér alveg ágætlega í því. Náttúrufræðiprófið var í morgun og það gekk líka alveg ágætlega.
Nú á að fara taka til við að þrífa heimilið og skreyta eitthvað jólaglingur. Það er nefnilega ekki verið pælt í heimilinu núna síðustu 3 vikurnar vegna skólans. Þetta hefur bara einhvern veginn verið láta ganga. En nú sem sagt á að fara að einbeita sér að heimilinu.
Og það var bara dansaður stríðsdans þegar ég kom heim úr prófinu ég var svo ánægð. Aumingja þeir sem eru ekki búnir.
Nú er mamma og María systir að fara út til Danmerkur á morgun. Bara rétt í helgarheimsókn og skoða kannski aðeins í búðir. Bara aðeins eða þannig. Þær ætla reyndar líka að kíkja á einhvern jólamarkað sem á víst að vera flottur.
Nú er þetta að verða síðustu dagarnir sem Jón vinnur svona mikið á vörubílnum og það er nú pínu tilhlökkun í loftinu yfir því að sjá kannski aðeins meira af honum. Ekki síður hjá börnunum.
Friðrik hélt upp á afmælið sitt síðustu helgi. Og þvílíkur hávaði í 10 drengjum. En reyndar þögnuðu þeir allir þegar pizzan kom á svæðið. Þá heyrðist bara smjatt í 10 munnum. Svo var fullorðins afmælið á sunnudeginum og hann fékk fullt af pökkum í þessum báðum afmælum. Og alveg alsæll með þetta allt saman. Gott að geta glatt fólk. Lifið heil