Sól, sól skín á mig

Nú er komið að því hjá okkur fjölskyldunni, það á að setja upp pall. Búið að stinga út og grafa, ná í smá timbur og svo á að nota löngu helgina til að vinna í þessu öllu saman. Þannig að nú vonast maður eftir sól eða allavega ekki rigningu. En miðað við veðrið núna þá held ég að þetta sé borin von. Enda er hvítasunnuhelgi, man bara ekki eftir að það sé gott veður þá helgi. En allavega þegar pallurinn er kominn upp þá á að koma sól, svo pallurinn nýtist nú vel.
Við Maja erum búnar að vera duglegar í labbinu alla þessa viku, síðan prófin kláruðust. Ég hef reyndar ekki verið sú duglegasta að vakna á morgnana með börnunum en tók mig á í dag og fór á fætur kl 7,15. Hrikalega getur maður verið duglegur hehe. Það er búið að vera mjög frískandi að ganga svona á morgnana. Þannig að vonum eftir góðu veðri fyrir göngur og pallagerð. lifið heil